गौरीगंज / शिव शिष्य परिवार गौरीगंजले विपन्न, असहाय तथा जेष्ठ नागरिकहरुलाई साडी,न्यानो कपडा, फलफूल तथा मिठाई वितरण गरेको छ । गत बुधवार शिव शिष्य परिवार गौरीगंजद्वारा आयोजित पुर्ण आध्यात्मिक कार्यक्रमको अवसरमा उक्त सामाग्रीहरु वितरण गरेको हो । गौरीगंज गाउँपालिका वार्ड नं. ३ स्थित गौरीगंज माविको प्राङ्गणमा भएको कार्यक्रमको प्रमुख अतिथि वार्ड नं. ३ का वडा अध्यक्ष श्रवण गिरी थिए । शिव शिष्य परिवार गौरीगंजका अध्यक्ष जयकुमार भगतको अध्यक्षतामा भएको कार्यक्रममा २७ जना विपन्न, असहाय तथा जेष्ठ नागरिकहरुलाई राहत सामाग्री वितरण गरिएको थियो । त्यसै अवसरमा विद्यालयको प्राङ्गणमा वृक्षारोपणसमेत गरिएको थियो । कार्यक्रममा गौरीगंज गाउँपालिका वार्ड नं. ३ का निवर्तमान वडा अध्यक्ष तथा झापा उद्योग वाणिज्य संघ गौरीगंजका अध्यक्ष मखना महतो, इलाका प्रहरी कार्यालय गौरीगंजका प्रहरी निरिक्षक रामचन्द्र साह, अनुसन्धान विभागका संजय राजवंशीलगायतको सहभागिता थियो ।
