झापा ७, जेठ / प्रदेश १ मा ६६ जनालाई कोभिड-१९ पुष्टि भएको छ । आज थप ७ जनामा कोभिड-१९ पुष्टि भएको हो । थपिएकामध्ये ५ जना झापाका हुन् ।
झापाका थपिएका ५ जना कचनकबल गाउँपालिकाका हुन् । भारतको मुम्बईबाट आएका उनीहरुको मंगलवार पीसीआर टेस्टका लागि स्वाव पठाइएको थियो ।
प्रदेश प्रयोगशालामा गरिएको परीक्षणमा झापाका ५, वीपी कोइराला स्वास्थ्य विज्ञान प्रतिष्ठान धरानमा गरिएको प्रयोगशालमा धनकुटामा १ र धरानमा १जनालाई कोभिड-१९ पुष्टि भएको हो ।
२६ जना कोभिड-१९ पुष्टि भएका संक्रमितहरु निको भएर घर फर्किएका छन् ।
प्रदेश १ मा कोरोना टेस्टको दायरा बढेसँगै संक्रमितको संख्या पनि दिनहुँ थपिन थालेको छ । प्रदेश १ मा तीन ठाउँबाट पिसिआर परीक्षण भइरहेको छ ।
मुख्यमन्त्री तथा मन्त्रिपरिषद् कार्यालय मातहतको कोरोना सूचना डेस्कका अनुसार बुधबारसम्म पिसिआरबाट ३ हजार सात सय ७ जनाको परीक्षण भएको छ ।
आरडीटीबाट ९ हजार ८ सय ३७ जनाको परीक्षण भएको छ ।
प्रदेश १ का उदयपुरमा ३३, झापा १७, धनकुटा ७, मोरङ ३, सुनसरी ४, भोजपुर १, र खोटाङका १ जनामा संक्रमण पुष्टि भएको हो ।
