नेपाल आर्मी क्बलले झापा गोल्ड कप फुटबलको उपाधि जितेको छ। शनिवार भएको फाइनल खेलमा झापा ११ लाई एक सून्य गोल अन्तरले पराजित गर्दै नेपाल आर्मीले उपाधि उचालेको हो। नेपाल आर्मीले यो सिजन उचालेको यो पहिलो उपाधि हो। आर्मीलाई उपाधि दिलाउन नवयुग श्रेष्ठले खेलको १८ औँ मिनेटमा गरेको गोल नै प्रयाप्त भयो। नवयुगले विमल राना मगरले उपलब्ध गराएको पासमा उत्कष्ट गोल गर्दै आर्मीलाई सुरुवाती अग्रता दिलाएका थिए। श्रेष्ठले गरेको एकमात्र गोल जितका लागि निर्णायक बन्यो।
उपाधिसँगै आर्मी ६ लाख रुपैयाँ नगद हात पारेको छ। उपविजेता झापा-११ ले भने तीन लाख रूपैयाँमै चित्त बुझाएको छ। चैत १८ गतेदेखि सुरु भएको प्रतियोगितामा १० टिमले सहभागिता जनाएका थिए।
