गौरीगंज १३, मंसिर / गौरीगंज गाउँपालिका वार्ड नं. १ भन्सार निवासी नौलो सिंह थापाको घरमा आगलागी भएको छ । आज करिब ६ः१५ बजे गुहाली घरको विजुलीको तार सर्ट भएर आगलागी भएको गौरीगंज गाउँपालिका वार्ड नं. १ स्थित कुञ्जिवारी प्रहरी चौकीका प्रहरी नायव निरीक्षक सञ्जीव राईले जानकारी गराएका छन् । उनका अनुसार स्थानीय प्रहरी, स्थानीयवासी, दमकलहरुको प्रयासले आगो नियन्त्रणमा आएको छ । आगलागीबाट गुहाली घर र मुलघर पुर्णरुपमा नष्ट भई घरमा रहेको २०/२२ मन मकै, २ विगाहको धान र ६ वटा चौपाया , ४ वटा साइकल जलेर नष्ट भएको अन्दाजी २५ लाख मूल्य बराबरको क्षति वडा अध्यक्ष कार्तिकलाल राजवंशीले बताए ।
