७ मंसिर २०८३, आइतबार | Sun Nov 22 2026

खजुरगाछी छठ पूजा समितिद्वारा आम्दानी–खर्च सार्वजनिक, ५३ हजार बढी मौज्दात



गौरीगंज ७, मंसिर / झापाको गौरीगञ्ज गाउँपालिका–६ स्थित श्री खजुरगाछी छठ पूजा समितिले हालै सम्पन्न छठ पूजाको आम्दानी तथा खर्च विवरण सार्वजनिक गरेको छ।

छठ पूजा समितिका अध्यक्ष राजेशनाथ साहको अध्यक्षतामा मंसिर १ गते बसेको बैठकले पूजामा भएको आम्दानी तथा खर्चको हिसाबकिताब यकिन गरी सार्वजनिक गर्ने निर्णय गरेको हो।

गौरीगंज स्थित गौरीगंगा घाटमा अस्ताउँदो सूर्यलाई अर्घ्य दिँदै छठ पर्व मनाइयो

समितिले सार्वजनिक गरेको विवरणअनुसार यस वर्षको छठ पूजामा कुल ८५ हजार ६७ रुपैयाँ आम्दानी भएको छ भने ६५ हजार ७ सय ७५ रुपैयाँ खर्च भएको छ। आम्दानीबाट खर्च कटाउँदा यस वर्ष १९ हजार २ सय ९२ रुपैयाँ बचत भएको देखिन्छ।

त्यसैगरी, अघिल्लो वर्षको ३४ हजार १ सय ७८ रुपैयाँ मौज्दात र यस वर्षको बचत १९ हजार २ सय ९२ रुपैयाँ जोड्दा समितिको कुल मौज्दात ५३ हजार ४ सय ७० रुपैयाँ पुगेको छ।

समितिले आम्दानी तथा खर्च विवरण सार्वजनिक गर्दै आर्थिक पारदर्शिता र संस्थागत जवाफदेहितालाई प्राथमिकता दिएको जनाएको छ।

नोट : उपलब्ध गराउनुभएको हिसाबमा बचत र कुल मौज्दात जोड्दा सामान्य गणितीय फरक देखिएकाले सच्याइएको छ।

– बचत: रु. ८५,०६७ − रु. ६५,७७५ = रु. १९,२९२

– कुल मौज्दात: रु. ३४,१७८ + रु. १९,२९२ = रु. ५३,४७०

प्रकाशित मिति : ७ मंसिर २०८३, आइतबार  ८ : १७ बजे