गौरीगंज २३, फागुन / नेपाल शिक्षक महासंघ गौरीगंजको नेतृत्व चयन विषयलाई लिएर शिक्षक संघ भित्र केही दिनदेखि चलिरहेको विवादबीच शिक्षक संघ गौरीगंजका अध्यक्ष गोपाल प्रसाद ताजपुरिया र उपाध्यक्ष प्रकाश चन्द्र राजवंशीको क्रमवद्वरुपमा राजीनामा आएपछि संघमा राजीनामा दिनेहरुको ओइरो लागेको छ ।
संघका साधारण सदस्यहरु शान्ति कुमारी ताजपुरिया, दिपक कुमार हेमरम, धनवन्ती त्यागी ताजपुरिया, मञ्जु कुमारी ताजपुरिया, आशा कुमारी ताजपुरियालगायतले राजीनामा दिएका छन् ।
उनीहरुले संघको वर्तमान अवस्था निराशाजनक रहेको, योगदानको कदर नभएको, कार्य र निष्ठाको मूल्यांकन नभएको आरोप लगाउदै साधारण सदस्य पदबाट राजीनामा दिएको राजीनामापत्रमा उल्लेख गरेका छन् ।
यता भने आजै दिउसो १ बजे शिक्षक संघ गौरीगंज कार्य समितको वैठक बसी शिक्षक महासंघ गौरीगंजको अध्यक्ष पदको उम्मेदवार चयन गरि अनुमोदन गर्ने जनाईएको छ ।
