गाैरादह ४, कार्तिक / गौरादह नगरपालिकाबाट उपलब्ध हुदै केही अत्यावश्यक सेवाहरु वाहेक सबै बन्द गरिएको छ ।
नगरपालिकाले मंगलबार एक सुचना जारी गर्दै कार्तिक ६ गतेसम्मका लागि दमकल सेवा र स्वास्थ्य सेवा बाहेकका अन्य सेवाहरु बन्द गर्ने निर्णय गरेको जनाएको छ ।
कोरोना संक्रमण दिनप्रतिदिन बढ्दै गएका कारण सेवाहरु बन्द गरिएको नगरप्रमुख राेहित कुमार साहद्वारा हस्ताक्षरित सुचनामा जनाएकाे छ ।
नगरपालिका र ९ वटै वडाहरुबाट उपलब्ध हुदै आएका सेवाहरु बन्द गर्ने निर्णय गरिएको छ । अब नगरपालिका दशै पछि मात्रै खुल्ने छ ।
