बिर्तामोड १५, असोज / बिर्तामोड नगरपालिकाले नगरभित्र बिषादी प्रयोग गरिएका र बरफमा राखिएका मरेका माछाबिक्री बितरणमा रोक लगाएको छ ।
बिषादीमुक्त नगर बनाउने अभियानअन्तर्गत नगरपालिकाले नगरभित्र बिषादी प्रयोग गरिएका र बरफमा राखिएका मरेका माछा बिक्री बितरणमा रोक लगाएको हो । नगरपालिकाको आज बसेको बैठकले नगरमा त्यस्ता सडेगलेका माछाको बिक्रीवितरणमा रोक लगाउने निर्णय गरेको नगर प्रमुख धु्रवकुमार शिवाकोटीले बताए । उनले एक सूचना जारी गरी रसायन प्रयोग गरिएका, सडेगलेका माछा बजारमा निर्बाध रुपमा बिक्री भैरहेकाले त्यस्ता माछाको उपभोगले स्वास्थ्यमा गम्भीर असर पर्ने भएकाले सबैलाई सचेत बन्न आग्रह गरेका छन् ।
