गौरीगंज १६, भदौं / समाजमा केही सकारात्मक कार्यहरु गरेर योगदान दिन यहाँका केही युवाहरु एकजुट भएका छन् । विश्वभर कोरोना भाइरसको संक्रमणबाट आजित बनेको समाजलाई यसबारे सूसुचित गराई भाइरसको जोखिमबाट बच्नेलगायत अन्य सामाजिक कार्यहरु गर्न उनीहरु एक जुट भएका हुन् ।
गौरीगंज गाउँपालिका वार्ड नं. ६ खजुरगाछीका युवाहरुद्वारा गठित खजुरगाछी युवा संघले आज कोरोना भाइरस विरुद्व सचेतनामुलक कार्यक्रम तथा माक्स वितरण गरेको छ । खजुरगाछी युवा संघका अध्यक्ष रोशन यादवको अध्यक्षतामा औपचारिकरुपमा सचेतनामुलक कार्यक्रम गरी संघमा आवद्व पदाधिकारीहरुले बजार क्षेत्रमा सचेतना तथा मास्क वितरण गरेका हुन् ।
उनीहरुले बजार क्षेत्रमा १ हजार भन्दा बढी मास्क वितरण गरेका छन् । सामाजिक दुरी कायम राख्ने, हात मुख साबुन पानीले मिचिमिचि धुने, मास्क अनिवार्य लगाउने, जथाभावी घर बाहिर ननिस्कने, भीडभाड नगर्ने नगराउनेलगायतका सन्देश मुलक कार्य बजार क्षेत्रमा माइकिङ्ग गरेर उनीहरुले प्रचारप्रसार गरेका थिए ।
गौरीगंज गाउँपालिका वार्ड नं. ६ को सभाहलमा आयोजित औपचाकिर कार्यक्रमको प्रमुख आतिथ्यता वडा अध्यक्ष बद्रीनारायण यादवले गरेका थिए । कार्यक्रममा गाउ“पालिकाका अध्यक्ष बाबुराजा श्रेष्ठ, इलाका प्रहरी कार्यालय गौरीगंजका प्रहरी निरीक्षक गणेश प्रसाद भट्टराई, कार्यपालिका सदस्य राधा अधिकारी, वडा सदस्यहरु उदिम कुमार राई , मुकेश साह, खजुरगाछी खानेपानी संस्थाका अध्यक्ष कृष्ण महतोलगायतले कोभिड १९ को महामारीबाट बच्ने उपाय र यसबारे समाजमा सचेतना फैलाउन युवाहरुको सक्रियता सकारात्मक रहेको भन्दै युवाहरुको प्रसंशा गरेका थिए ।
सचेतना कार्यक्रमको स्वागत गोमा भुजेलले गरेकी थिइन भने कार्यक्रममा युवा संंघका विकास कुमार यादव, निरज माझी, सावित्री महतो, मनोज राजवंशी, संजय राजवंशी, किरण श्रेष्ठ, विजय यादव, मिथुन यादव, संगीता महता, जितेन पौदार, श्याम मिर्धा, कन्हैया चौधरी, लगायत पदाधिकारीहरु थिए । कार्यक्रमको संचालन इस्तप हुसेनले गरेका थिए ।
