दमक १६, असार / देशैभर नागरिकता बिधेयकको बिरोध गरिरहेकाे जनता समाजवादी पार्टीको केन्द्रिय कार्यक्रम अनुसार जनता समाजवादी पार्टी झापाले जिल्ला प्रशासन कार्यालय झापामा आज ज्ञापनपत्र बुझाएको छ ।
जिल्ला कमिटी झापाको आयोजनामा ऐन संसाेधन बिधेयक र सरकारकाे बेथितिकाे बिराेध गर्दै भद्रपुर स्थित जिल्ला प्रशासन कार्यालय मार्फत नेपाल सरकारलाई ज्ञापन पत्र बुझाएको हो ।
दिउँसो १२ः३० बजे जिल्लामा क्रियाशिल साबिकका दुवै पार्टीका केन्द्र ,प्रदेश , जिल्ला र स्थानीय नेता तथा कार्यकर्ताहरु भद्रपुर स्थित ट्रेड युनियन चोकमा भेला भएर बिरोध र्याली सहित जिल्ला प्रशासन कार्यालय पुगेर ज्ञापन पत्र बुझाएका थिए ।
ज्ञापनपत्र बुझाइसकेपछि आयोजित कोणसभामा पार्टीका केन्द्रीय नेताहरू बिश्वानाथ राजवंशी, प्रविण चाम्लिङ,भक्त खेवाङ, त्रिनारायण राजवंशी, जिल्ला अध्यक्ष दिपेन बाला राईले बाेलेका थिए ।
कोणसभा लाइ सम्बोधन गर्दै राज्यले नागरिकहरुलाई कुनैपनि बहानामा नागरिकता बिहिन बनाउन नहुने बताउदै यो बिभेदकारी नागरिकता बिधेयक तुरुन्त फिर्तागर्न आग्रह गरे ।
