गाैरीगंज ७, माघ / गाैरीगंज गाउँपालिका वार्ड २ काेराेवारीका उच्च माविमा अध्ययनरत छात्राहरूलाई साइकल वितरण गरिएकाे छ ।
उच्च शिक्षा अध्ययन गर्ने छात्राहरूलाई क्याम्पस आवतजावत गर्न सहज हाेस् भन्ने उदेश्यले वार्ड कार्यालयले २८ जना छात्राहरूलाई आज एक कार्यक्रम बीच साईकल वितरण गरेकाे हाे ।
वार्डकाे वजेट सिलिङ्गबाट २ लाख रूपैयाँ विनियाेजन गरि वडाका उच्च शिक्षा अध्ययनरत छात्राहरू साइकल वितरण गरिएकाे वडा सचिव गाेविन्द राजवंशीले जानकारी गराए ।
गाैरीगंज गाउँपालिका वार्ड नं. २ का अध्यक्ष अघनुप्रसाद राजवंशीकाे अध्यक्षतामा भएकाे कार्यक्रममा कार्यपालिका सदस्य जेठा मुर्मू, रिता तामाङ्ग, वडा सदस्य अरूण राजवंशीलगायतकाे उपस्थिति थियाे ।
