भारतको आसाममा विषाक्त मदिरा सेवन गरेका कारण मृत्यु हुनेको संख्या ६९ पुगेको छ । अन्य २०० भन्दा बढी सिकिस्त रहेका छन् । स्थानीय अधिकारीका अनुसार मृत्यु हुने अधिकांश चिया कम्पानीमा कर्यरत मजुर रहेका छन् ।
गएको हप्तामात्रै भारतको उत्तर प्रदेश र उत्तराखण्डमा विषाक्त मदिराका सेवन गरेकै कारण १ सय जनाको निधन भएको थियो । गएरातिसम्म ५० जनाको मृत्युभएपनि शनिबार मध्यानसम्म ६९ जनाको मृत्यु भइसकेको उपचारमा संलग्न चिकित्सकहरुले बताएका छन् ।
अधिकारीहरुका अनुसार असाम राज्यको भएको सो घटनामा मदिरा खाएका ती मजदुरहरुले सेवन गरेको केही समयमै वान्ता गरको र प्रायजसो सबै वान्ता गर्दै अस्पताल आईपुगेका थिए । साथै उनीहरुले अत्याधिक पिडा भएको र सास फेर्न गाह्रो भएको बताएका थिए ।
मृत्यु भएका र विरामी भएका मध्ये धेरै जना महिला रहेका छन् । आसामका मुख्य मन्त्री सर्वानन्द सोनोवालले भने घटनाका बारेमा अनुसन्धान गर्न आदेश दिईसकेका छन् ।
