गौरीगंज २१, चैत / झापाको गौरीगंज गाउँपालिका वार्ड नं. –१ रंगियाथान स्थायी घर भएका मिर्गौला रोगबाट पीडित एक युवाले बचाई दिन सार्वजनिक अपिल गरेका छ्न । साविक रंगियाथान लेङ्गलेङ्ग चौकका भैरव प्रसाद राजवंशीको दुईवटै मिर्गौलाले काम गर्न छोडेर आर्थिक अभावका कारण उपचार गर्न नसकेपछि झापाबासीसंग बचाइदिन अनुरोध गरेका हुन् ।
मिर्गौला रोगसित लड्न महँगो खर्च लाग्ने भएपछि २७ वर्षीय राजवंशीले आफ्नो एकल प्रयासमा उपचार गर्न नसक्ने भएपछि सहयोगी मनहरूलाई आर्थिक सहयोगका लागि आग्रह गरेका हुन् । केही महिनायता दुवै मिर्गौलाले काम नगर्ने अवस्था आएपछि हाल बी एण्ड सी अस्पताल विर्तामोडमा डायलोसिस गरिरहेका राजवंशी आर्थिक अवस्थाकै कारण मिर्गौला प्रत्यारोपण गर्न नसक्ने परिस्थितिमा रहेको दुखेसो पोख्छन् ।
उनले आर्थिक अभाव भएका कारणले सहयोगका लागि सबै नेपाली मनसित हात फैलाएको बताए । देश विदेशमा रहेका मनकारी महानुभावहरूमा सहयोगको अनुरोध गर्दै राजवंशीले बाँच्ने अवसर निर्माण भए समाज र देशका लागि केही न केही योगदान दिन सक्ने बताए ।
परिवारको दायित्वसमेत बोकिरहेका राजवंशीका १ श्रीमति र १ छोरा ५ वर्षका रहेका छन् । उनले सहयोग गर्नको लागि मोवाइल नम्बर ९७०६७४९४१२ र राष्ट्रिय वाणिज्य वैंकको Bairab Prasad Rajbanshi र खाता नम्बर 2170100000007210 मा सहयोग गरिदिन अनुरोध गरेका छन् ।
