गौरादह२०, चैत /गौरादह नगरपालिकाले नगर भित्र रहेका गरिब तथा बिपन्न परिवारलाई खाद्यान्न बितरण गरेकाे छ। गौरादह नगरपालिका भित्रका ९ वटै वडामा बसाेबास गरेका जनमजदुर गर्ने गरिब तथा बिपन्न ३ हजार २ सय २९ घर परिवारलाई खाद्यान्न सामग्री बितरण गरेकाे हाे।
गौरादह नगरपालिकाकाे बिपद ब्यबस्थापन काेषकाे ४० लाख र जनप्रतिनिधिको सेवा सुबिधाबाट ६ लाख गरि जम्मा ४६ लाखकाे बजेटबाट खाद्यान्न सामग्री बितरण गरेकाे गौरादह नगरपालिकाका प्रमुख राेहित कुमार शाहले बताए। वडाका जनप्रतिनिधिहरुले पहिचाहन गरि वडा भित्र रहेका गरिब तथा बिपन्न घर परिवार छनौट गरि नगरपालिकामा बुझाएकाे बिबरणका आधारमा चामल, दाल,तेल र नुन बितरण गरिएकाे हाे।
गौरादह नगरपालिकाकाे ठुलाे क्षेत्रफल भएकाले राहत पाउने घर परिवारलाई नगरपालिकामा नबाेलाई वडा कार्यलयका जनप्रतिनिधिलाई जिम्मा लगाएकाे थियाे। वडा कार्यलयले छनौट गरेका बिपन्न घर परिवारकाे आँगनमा पुगेर खाद्यान्न सामग्री प्रति परिवार १० के.जि.चामल, दाल १ के.जि.,नुन १ के.जि. र खाने तेल १ लिटरका दरले बितरण गरेकाे छ। वडा कार्यलयले संकलन गरेकाे वडा भित्र रहेका गरिब तथा बिपन्न परिवारहरु वडा नं-१ मा ५ सय २० वडा नं-२ मा २ सय १० वडा नं -३ मा १ सय ६४ वडा नं -४ मा २ सय ६९ वडा नं -५ मा ३ सय ७८ वडा नं- ६ मा ६ सय ९३ वडा नं -७ मा ३ सय २७ वडा नं -८ मा ४ सय १६ र वडा नं -९ मा २ सय ४९ बिपन्न घर परिवार रहेकाे बिबरण पेश गरेका थिए ।
