गाैरीगंज ३०, कार्तिक / गाैरीगंजस्थित साना किसान सहकारी संस्था खजुरगाछीकाे पाँचौ साधारण सभा सम्पन्न भएकाे छ ।
गाउँपालिकाका अध्यक्ष बाबुराजा श्रेष्ठले पानसमा बत्ती बालेेेर र विरूवामा पानी हालेर कार्यक्रमकाे उद्घाटन गरेका थिए ।
खजुरगाछी मावि प्रांगणमा सम्पन्न साधारणसभामा संस्थाकी अध्यक्ष डिककुमारी अधिकारीले संस्थाकाे प्रगति प्रतिवेदन प्रस्तुत गरेकी थिइन् । संस्थाकी लेखा समिति संयाेजक नाैताली राजवंशीले संस्थाकाे ५४ लाख ७५ हजार ७ सय २१ आम्दानी र ४० लाख ७३ हजार १ सय ८१ रूपैयाँ खर्च रहेकाे लेखा प्रतिवेदन प्रस्तुत गरेकि थिइन् । पाँचौ बार्षिक साधारणसभाकाे अवसरमा संस्थाका ६ जना जेष्ठ सेयर सदस्यलााई सम्मान गरिएको थियाे। संस्थामा आवद्व रहेका समुहहरू मध्ये ९ वटा समुहहरूलाई पनि सम्मान गरिएको थियाे।त्यस अबसरमा उत्कृष्ट ऋण काराेवार गर्ने ८ जान,उत्कृष्ट बाल वचत १७ जना र सब्जी खेती तर्फ १ जनालाई पुरस्कृत गरिएकाे थियाे । गौरीगंज गाउपालिका अध्यक्ष बाबुराजा श्रेष्ठकाे प्रमुख आतिथ्यमा सम्पन्न साधारणसभामा साना किसान बिकास बैंक बिर्तामोडका अधिकृत इच्छाराम पाेख्रेल,साना किसान कृषि सहकारी संस्था ग्वालडुब्बाका अध्यक्ष नवराज लुईटेल,गौरीगंज गाउपालिका वडा नं -५ र ६ का अध्यक्ष बिजय प्रसाद सिंह र बद्री नारायण यादव लगायतले शुभकामना मन्तब्य राखेका थिए। संस्थाकि उपाध्यक्ष दिनवत्ती राजवंशीले स्वागत मन्तब्य राखेकाे कार्यक्रममा सदस्य लक्ष्मी लुईटेलले कार्यक्रम संचालन गरेकाे संस्थाका प्रवन्धक ओम प्रकाश ताजपुरीयाले जानकारी गराए।
