गाैरीगंज १८, फागुन /
अमेरिकी कारबाहीमा मारिएका ‘अलकायदा’का नेता ओसामा बिन लादेनका छोरा हम्जा बिन लादेनबारे सूचना दिनेलाई १० लाख अमेरिकी डलर इनाम दिने अमेरिकाले घोषणा गरेको छ ।
हम्जा अलकायदाका नेताकारूपमा उदाइरहेको अमेरिकी अधिकारीहरुको विश्वास छ । ३० वर्षको विश्वास गरिएका हम्जा अफगान–पाकिस्तानसीमानजिक रहेको विश्वास गरिन्छ ।
पछिल्लो समय उनले सार्वजनिक गरेका श्रव्य–दृश्य सामग्रीमा अमेरिका र उसका पश्चिमा साझेदारसँग सन् २०११ मा मारिएका आफ्ना बुवाको हत्याको बदला लिनुपर्ने बताउँदै आएका थिए । बिन लादेन अमेरिकी सेनाले गरेको कारबाहीमा पाकिस्तानको एवोटावादमा मारिएका थिए ।
हम्जालाई अमेरिकाले दुई वर्षअघि विश्वका लागि ‘खतरनाक’ आतंकवादीको सूचीमा राखेको थियो ।
उनका बुवा लादेनलाई मारिँदा संकलन गरिएका पत्रमा हम्जालाई उत्तराधिकारीकारूपमा अगाडि बढाइरहेको संकेत देखिएको बताइन्छ । उनको विवाह अमेरिकाको ‘ट्वीन टावर’मा ठोक्याइएका विमानमध्ये एउटाको अपहरण गर्ने मोहम्मद आटाकी छोरीसँग भएको मानिन्छ । (एजेन्सी)
