४ श्रावण २०८१, शुक्रबार | Sat Jul 20 2024

उच्चस्तरको ग्राभेल गर्ने अठोट: गाउँपालिका अध्यक्ष बाबुराजा श्रेष्ठ


१५ कार्तिक २०७४, बुधबार  

0
Shares

baburaja-shrestha1

गौरीगञ्ज गाउँपालिकाका अध्यक्ष बाबुराजा श्रेष्ठ गाउँ जान्छन् र त्यहाँको सडक नियाल्छन् । गाउँलेको कुरा सुन्छन्–‘राम्रो सडक भए त गाउँको उपज बजार लगेर बेच्न सजिलो हुने थियो ।’ उद्योगीहरुको गुनासो पनि उस्तै छ–‘गतिलो सडक भए पो उद्योग धन्धा पनि खुल्छन् ।’ सर्वसाधारणहरुको झन् ठूलो पीर छ–‘विरामी हुँदा एम्बुलेन्स आउन सक्ने बाटो कहिले बन्ला ?’

जनताकै दुःखहरणका लागि समर्पित अध्यक्ष बाबुराजाले पाँच बर्षभित्र गौरीगञ्जका सबै गाउँ जोड्ने सडकलाई कम्तीमा उच्चस्तरको ग्राभेल गर्ने अठोट गरेका छन् । विकासको मियो भनेकै सडक भएको हुँदा उनले यसैलाई आफ्नो ‘ड्रिम’ मानेका छन् ।

गौरीगञ्जको ग्रामीण सडक र हुलाकी राजमार्गमा अधुरा पुलहरु छन्, तिनलाई बनाउनु छ । गाउ“ नै गाउ“ले भरिएको यस गाउ“पालिकामा वेरोजगारीको विकराल समस्या छ । सडक सञ्जाल निर्माण भयो भने आवातजावत हुन्छ, किनमेल बढ्छ, बजार विस्तार हुन्छ, विभिन्न उद्योगहरू स्थापना भई रोजगारीका अवसरहरू सिर्जना हुने उनको विश्वास छ ।

बाबुराजाले २१ वर्ष अघि खजुरगाछी गाविसको चुनावमा अध्यक्षको उम्मेद्वार बन्दा पनि सडक निर्माणलाई नै आफ्नो मुख्य प्रतिबद्धता बनाएका थिए । त्यसबेला चुनाव हारेका उनले यसपटक पुरानो ‘ड्रिम’ साकार तुल्याउने अवसर पाएका छन् ।

नौ वटा ग्रामीण पुल र हुलाकी राजमार्ग निर्माणले नै गौरीगञ्जको का“चुली फेर्ने उनको ठम्याई छ । । ग्रामीण सडक कम्तीमा ६ मिटर चौडाइको हुने र त्यसको निर्माणमा २० प्रतिशत लागत सहभागिता उपभोक्ताले व्यहोर्नु पर्ने उनको सोच छ ।

नेपाल सरकारले गौरीगञ्जलाई नमुना सहर बनाउने घोषणा गरेको छ । पाँच वर्षभित्र सबै गाउँमा ग्राभेल सडक पुर्याए भने नमुना सहर निर्माणमा सघाउ पुग्ने नै छ, यसले बाबुराजालाई गौरीगञ्जको ‘बाबु’ र ‘राजा’ दुबै सावित गर्ने छ ।

लोकतन्त्रपोष्टबाट

प्रकाशित मिति : १५ कार्तिक २०७४, बुधबार  ११ : २२ बजे