आत्माराम राजवंशी
गाैरीगंज ३०, चैत / भारतीय सीमासंग जाेडिएकाे गाैरीगंज गाउँपालिकामा दिनानुदिन क्वारेन्टाइनमा राख्नेकाे संख्या बढ्दै गएकाे छ । गत एक हप्ता भित्रमा क्वारेन्टाइनमा एक जनाबाट शुरू भएकाे व्यक्तिकाे संख्या आईतबार दिउसाे २ बजेसम्म २३ जना पुगेकाे छ । उनीहरू सबै गाैरीगंज गाउँपालिका वार्ड नं. १,२,४ र ६ का बासिन्दा हुन् ।
भारतकाे विहारकाे किसनगञ्ज, बीबीगंज, बैरिया, कटिहार, फुलबडिया, टेढागाछ, कल्यागंज र रामचाैक, डिगलबैंकलगायत विभिन्न स्थानमा रहेका नाता पर्ने आफन्तहरूसंग भेटेर, सामान किनमेल गरेर, उपचार गरेर उनीहरू घर फर्केका हुन् । भारतकाेे यी स्थानहरू गााैरीगंजबाट बढीमा १५ देखि २५ किलाेेेेेेमिटर दुरी क्षेेत्रभित्र पर्ने बताईन्छ ।
उनीहरूलाई स्थानियहरूकाे सुचनाकाे अाधारमा प्रहरीले नियन्त्रणमा लिएर क्वारेन्टाइनमा राखिएकाे हाे । एक साताभित्र विहिवार ५ जनालाई क्वारेन्टाइनमा राखिएकाेमा शुक्रवार विहान ३ जनालाई थप गरिएपछि क्वारेन्टाइनमा ८ जना पुगेकाे हाे ।
गाैरीगंज गाउँपालिका वार्ड नं. ४ अल्तावारी बस्ने ३ जना महिलाहरू भारतीय क्षेत्रबाट नेपाल प्रवेश गरेबा थिए । त्यसैगरी शुक्रवार रातकाे १२ बजे भारतबाट फर्केका गाैरीगंज गाउँपालिका वार्ड नं. १ देवीगाढा बस्ने एकै परिवारका ६ जनालाई प्रहरीले नियन्त्रणमा लिएर क्वारेन्टाइनमा राखेकाे थियाे ।
उनीहरू सबै भारतमा रहेका आफन्तलाई भेटेर घर फर्केका थिए । भारतबाट फर्केका उनीहरूलाई प्रहरीकाे सहयाेगमा क्वारेन्टाइनमा राखिँदा याे संख्या बढेर १७ पुगेकाे हाे । शनिवार पनि दिउँसाे थप एक जनालाई क्वारेन्टाइनमा राखिएकाे थियाे । गाैरीगंज गाउँपालिका वार्ड नं. ४ अल्तावारी बस्ने उनी भारतमा रहेकी छाेरीलाई भेटेर घर फर्किएकी हुन् ।
त्यसैगरी अाईतवार दिउँसाे करिब १ बजे गाैरीगंज गाउँपालिका वार्ड नं. २ काेराेबारीमा भारतबाट फर्किएका ६ जनालाइ क्वारेन्टाइनमा राखिएकाे छ । उनीहरू सबै रासायनिक मल किन्न छेउकाे भारती बजार गएकाे बताईएकाे छ । उनीहरूसहित अब गाैरीगंज क्वारेन्टाइनमा अाईतबार दिउँसाे २ बजेसम्म क्वारेन्टाइनमा बस्नेकाे संख्या २३ पुगेकाे छ । गाैरीगंज गाउँपालिमा ९८ जना हाेम क्वारेन्टाइनमा राखिएकाे छ । उनीहरूमध्ये प्रायः भारतबाट फर्किएका हुन् ।
गाैरीगंज गाउँपालिकाकाे भारतीय सीमासंग जाेडिएकाे करिब २० किलाेमिटर खुल्ला सीमाक्षेत्रमा प्रहरीले कडाईका साथ २४ सैं घण्टा निगरानी गरेपनि उनीहरूले प्रहरीलाई छलेर मकैंबारी आलीकाे बाटाे प्रयाेग गरेर र छिटफुट रूपमा वैकल्पिक मार्ग प्रयाेग गरि भारतमा रहेका आफन्तहरूलाई भेट्ने र घर फर्कने क्रम बढेकाे क्वारेन्टाइनमा राखिएका व्यक्तिको यस आकँडाले देखाउँछ ।
भारतीयहरूले सीमाक्षेत्र नजिक नेपालीहरूकाे सयाैं विघा जग्गा ठेक्का लिएर मकै र धान खेती गर्ने अनि उत्त मकै खेतमा गाेडमेल गर्ने , मलखाद्य छिट्ने, गहुँ काट्ने निहुँमा रातीराती प्रहरीलाई छलेर नेपाल प्रवेश गरेकाे पाईन्छ ।
उता भने भारतकाे विहारमा काेराेना भाईरसबाट संक्रमित हुनेहरूकाे संख्या दिनानुदिन बढेकाे बढ्यै छ । भारतीय पत्रिका हिन्दुस्थान डटकम अनलाईन अनुसार गत शनिवार रातीसम्म विहारमा काेराेना भाईरसबाट संक्रमित हुनेकाे संख्या ६४ पुगेकाे छ ।
उनीहरू सबै विहारकाे विभिन्न स्थानहरूमा बसाेबास गर्ने बासिन्दा हुन् । याे संख्या अझ बढ्ने त्यहाँको स्वास्थ्य विभागलाई उदृत गरि हिन्दुस्थान डटकमले जनाएकाे छ ।
सिमाछेउमा रहेका नेपालीहरू खुल्ला सिमानालाई प्रयाेग गर्दै भारतकाे विहारकाे विभिन्न स्थानमा रहेका आफन्तहरूसंग भेटेर घर फर्किनु, मलखाद्य लिन भारतीय बजार जानु, गहुुँ काट्ने निहुँमा र धान खेती गर्ने निहुुँमा नेपाल प्रवेश गर्नुले स्थानियहरूमा काेराेना भाईरसकाे त्रास फैलिएकाे छ ।
काेराेना भाईरसकाे जाेखिमलाई न्युनिकरण गर्न यहाँको स्थानिय सरकार , स्वास्थ्यकर्मी र प्रहरी प्रशासनले अनेकन प्रयास गर्दा गर्दै पनि यस प्रकारकाे सीमा क्षेत्रमा भईरहेकाे आउजाउले गाैरीगंज गाउँपालिका काेराेना भाईरसकाे उच्च जाेखिममा रहेकाे देखाउँछ ।
गाैरीगंज गाउँपालिकामा भएकाे विपन्नहरूकाे राहत वितरण, जेष्ठ नागरिकहरूकाे सामाजिक सुरक्षा भत्ता वितरण र विभिन्न सहकारी तथा पसलहरूले कृषकहरूलाई लापरवाहीरूपमा गरेकाे अनुदानित रासायनिक मल वितरणकाे भिडभाडले गाैरीगंज गाउँपालिकालाई काेराेना भाईरसकाे जाेखिममा झन बल पुर्याएकाे छ ।
