गौरीगंज ११, साउन / झापाको खजुरगाछी वार्ड नं. ३ श्यामटोलीका ५० वर्षीय रेखी गन्गाईलाई खोलाले बगाएको छ । हिजो साझ गाईबस्तु ल्याउन खेततिर गएका गन्गाई रतुवा खोलाको दोभान तर्ने क्रममा उनी वेपत्ता भएका हुन् । गाईबस्तु ल्याउन गएका छिमेकी सबै घर आएपनि उनी घर नआएपछि परिवारले उनको खोजी गरेको थियो । इलाका प्रहरी कार्यालय गौरीगंज , शसस्त्र प्रहरी क्याम्पलगायत स्थानियको टोलीले हिजो राति अबेरसम्म उनको खोजी गरिएको प्रहरी निरीक्षक कमल खत्रीले जनाएका छन् ।
